El diario "El País"

El periódico "El País" ha publicado dos secciones muy interesantes sobre el uso de la bicicleta:

http://blogs.elpais.com/love-bicis/2011/04/bicis-en-nueva-york.html#comments

y también:

http://blogs.elpais.com/love-bicis/

Visitas aos Partidos Políticos

Con motivo das próximas eleccións municipais:


Esta semana terminamos de percorrer as sedes dos Partidos Políticos con representación no Concello de Vilagarcía de Arousa, expóndolles un plan de mobilidade, resumido desde logo, pero que nos parece de máxima urxencia.

Entregamos o documento que achegamos a este escrito, explicando o seu contido e rogando que o inclúan nos seus respectivos programas electorais.

Recibimos as mellores respostas por parte de todos.

Esperemos que cheguen estes desexos a facerse realidade.

Saúdos.

Para ver o documento presentado pica aquí.

Viva la Bici

Lo que le pasó a Marta también nos puede pasar a nosotros en Vilagarcía de Arousa, y estamos deseando que suceda.

MAGOSTO NO XIABRE

O vindeiro sábado 27 de novembro celebraremos o noso tradicional magosto en Fontefría.
Como todos os anos sairemos en bicicleta ás 11 da mañá desde o parque do Cavadelo.
A comida será sobre as 14 horas, e a partir das 16 da tarde empezaremos a asar castañas.
Como sempre, estaremos no monte ata que o corpo aguante.

Esperamos máxima asistencia.

Por terras do Grove

O vindeiro domingo 26 de setembro de 2010, e despois do terrible esforzo realizado a noite anterior (Paseo Nocturno), convocámosvos a unha bonita excursión.

Empezaremos saíndo en coche desde Vilagarcía, lugar de costume, Parque do Cavadelo, a unha hora prudente: 10:30 da mañá. Comprendemos que a véspera deitámosnos tarde debido ao citado Paseo Nocturno.

A saída coas bicicletas darémola ás 11 da mañá no parque de Dena, onde deixaremos os coches aparcados.

Percorreremos as marismas, cheas xa de aves acuáticas, continuando ata a praia da Lanzada, visitando a Igrexa. O que queira, e se o tempo acompaña, terá tempo a pegarse un chapuzón.

Continuaremos polo carril bici que nos conduce a San Vicente do Mar, paseo pola vila e comida nalgún restaurante.

Pola tarde poderemos achegarnos O Grove se é que nos dá tempo.

Espero que todos gocedes do paseo

Ánimo, contamos con todos!

Paseo nocturno en bici

O vindeiro sábado día 25 de setembro ás 21:30 horas faremos un paseo nocturno en bici, nestas datas da Semana da Mobilidade

O percorrido é o de costume. A saída será no parque do Cavadelo, iremos a Vilaxoán e a Carril e voltaremos ao parque do Cavadelo. Ao final celebrarase un sorteo de accesorios ciclistas entre todos os participantes.
Procurade traer cascos e as bicis con iluminación, se é posible.

Contamos con todos! Ánimo, que de seguro pasaremos unha noite divertida!
Convence á tua familia e aos amigos!

Queres vir a comer o polbo a Padrón?

Domingo 5 de setembro de 2010

O itinerario está construído da seguinte forma:

Saída de Vilagarcía ás 10 horas desde o parque do Cavadelo ata Catoira por Bamio e Abalo. (11 Km.).

Todas aquelas persoas que prefiran incorporarse en Catoira, nos reagruparemos diante da Casa Consistorial de Catoira ás 11 horas.

Pasaremos diante das torres de Oeste, cruzando a ponte cara a Rianxo continuaremos aproximadamente un Km. cara a Dodro e entraremos por un percorrido de fermosas paisaxes pola rivera do Ulla.

Todo o tramo ata Padrón está protexido pola Rede Natura.Total percorrido 15 Km.

En Padrón aproveitando o día de feira entraremos nunha pulpeira onde comeremos: Polbo, Churrasco, Patacas, (todo o que se poña por diante).

A volta polo mesmo lugar, e se nos dá tempo e non estamos demasiado cansos aínda podemos percorrer o pequeno tramo de 2 Km. do paseo de madeira de Catoira.

Posteriormente regreso a Vilagarcía.

Esperemos que o tempo acompañe, e feliz día a todos os animados.

se queres ver fotos do percorrido, pincha aquí