miércoles, 6 de mayo de 2015

Rutas en bici

Na reunión mensual do 6 de maio programamos as seguintes rutas:

1. Ruta a Catoira:
  • Data: 10 de maio de 2015.
  • Saída: Parque do Cavadelo ás 11:30 horas.
Saíremos cara a Catoira polo paseo marítimo e seguiremos despois pola estrada vella ata chegar ás Torres do Oeste. Visitaremos a zona percorrendo as distintas sendas.
Dificultade: Media
O píc-nic farase xunto ás Torres e se os asistentes así o deciden pode alargarse un pouquiño máis a ruta e comer na praia de Vilar (concello de Valga) limítrofe con Catoira.
O regreso será ao atardecer.

2. Ruta de Ramón Cabanillas:
  • Data: 17 de maio de 2015
  • Saída: Parque do Cavadelo ás 11:00 horas.
Saíremos cara a Vilaxoán e pasaremos polo Pazo de Rúa Nova.
Durante a ruta en Cambados farase a lectura de algún poema de Cabanillas que evoque os seus recordos dos lugares visitados: Casa Natal, Convento San Francisco, A Pastora, Santa Mariña Dozo, Pazo de Montesacro, A Calzada, ...
A comida será no monte da Pastora, un dos lugares evocados polo poeta. Cada un levará o seu píc-nic e, como de costume, intercambiaremos viandas e postres.
Contamos estar de regreso antes das 20 horas.

Os asistentes son responsables da súa propia seguridade e de cumprir as normas de tráfico establecidas. É obrigatorio o uso de casco.

jueves, 26 de febrero de 2015

Entrevista có Señor Cores Tourís

O 25 de febreiro reunímonos o tesoreiro e o presidente co Señor Delegado Territorial de Pontevedra, señor Cores Tourís e có Xefe territorial de Medio Ambiente, Territorio e Infraestruturas de Pontevedra, José Luis Díez para ofrecer a nosa experiencia tanto no ámbito do ciclismo como no coñecemento da comarca".

A Xunta de Galicia licitóu o pasado 5 de xaneiro un contrato destinado a analizar os tramos de estradas autonómicas no Salnés nos que resulta conveniente construir sendas peoniles ou vías ciclistas para ofomento da mobilidade sostible e Arousa en Bici ofreceu a súa colaboración. Ver noticia no Faro de Vigo.

martes, 6 de enero de 2015

Sendas peonís e carrís bici no Salnés?

Santiago, 5 de xaneiro de 2015.- A Xunta de Galicia licita hoxe un contrato destinado a analizar os treitos de estradas autonómicas da comarca do Salnés nos que resulta conveniente desenvolver sendas peonís ou vías ciclistas en estradas de titularidade autonómica para fomento da mobilidade sostible. O goberno autonómico inverterá máis de 100.000 € na redacción do estudo, no que se proporán actuacións concretas que favorezan os desprazamentos a pe ou en bicicleta. A Consellería de Medio Ambiente, Territorio e Infraestruturas utilizará o produto destes traballos para programar un investimento de máis de 28 millóns de € de fondos europeos que o presuposto comunitario 2014-2020 destina ao fomento da mobilidade sostible en Galicia. 

Leer máis na páxina da Consellería de Medio ambiente, Territorio e Infraestructuras.

miércoles, 24 de diciembre de 2014

Eloxio da bicicleta

Barcelona consolídase como 'cidade intelixente' avanzada coa aposta casi pioneira pola bici eléctrica.

Aconsellamos a lectura de Elogio de la bicicleta, un artigo de Xavier Bru de Sala en El periódico. Como podemos ver Barcelona vai estar a vangarda non soamente da bici co seu bicing senón tamén coa bici eléctrica para dar acceso á bici tamén a aquelas persoas que teñan dificultades para ir a zonas altas da cidade. Vese realmente que se aposta pola mobilidable sustentable.

miércoles, 24 de septiembre de 2014

Ruta con pícnic a Padrón


Aproveitando o bó tempo realizaremos una saída a Padrón o domingo día 28 de setembro de 2014, saíndo ás 10:30 horas do Parque do Cavadelo en Vilagarcía.

ITINERARIO:
  • Dende o Parque do Cavadelo sairemos polo carril bici ata Bamio e Catoira. Atravesaremos a ponte sobre o río Ulla e chegaremos a Padrón polo concello de Dodro percorrendo a ribeira do Ulla (espazo protexido pola rede Natura).
  • Todos aqueles que prefiran iniciar o percorrido en Catoira, reagruparémonos ás 11;30 h. diante do Concello.
  • Faremos o pic-nic na carballeira de Santiaguiño do Monte en Padrón.
  • O regreso será por Pontecesures pola beira do Ulla e utilizando os viais paralelos á vía do tren.
  • Os asistentes son responsables da súa propia seguridade e de cumprir as normas de tráfico establecidas. É obrigatorio o uso de casco. 

Animádevos a asistir que seguro que pasaremos unha xornada divertida!!

lunes, 8 de septiembre de 2014

Semana Europea da Mobilidade

(Do 16 ao 21 de setembro de 2014)
Como de costume colaboramos co Concello de Vilagarcía con motivo da Semana Europea da mobilidade que ten como lema este ano: Unha rúa mellor é a túa elección


Veleiquí o programa:

  1. CIRCUITO DE EDUCACIÓN  VIAL (PARA ESCOLARES)
    • PAVILLÓN FEXDEGA
    • MÉRCORES 18 ATA O DOMINGO 22
    • 17 horas 20 horas
  1. EXPOSICIÓN DE VEHÍCULOS NON CONTAMINANTES
    • PAVILLÓN FEXDEGA
    • VENRES 19 A DOMINGO 21
    • 17:30 horas 20:30 horas
  1. TALLER DE APRENDIZAXE "ANDAR EN BICI" (Previa cita)* .
  2. TALLER DE REPARACIÓN DE BICICLETAS (TODAS AS IDADES)
    • VENRES 19 e SÁBADO 20
    • De 17:30 a 20:30
    • PAVILLÓN DE FEXDEGA
  1. PASEO  NOCTURNO EN BICI (O Cavadelo, Vilaxoán, Vilagarcía, Carril, O Cavadelo)
    • PARQUE DO CAVADELO
    • SÁBADO 20
    • 21:00 horas 
  1. PASEO ATA CARRIL E VILAXOÁNEN CONTINUO. A idea é recordar os anos de comezo da nosa Asociación baixo o lema De Carril a Vilaxoán unha carreiriña dun can.
    • DE CARRIL A VILAXOÁN E VICEVERSA
    • DOMINGO 22
    • A partir das 11:30 h.