Facerse socio/a

Por que facerte socio ou socia?

Para colaborar coas actividades en prol da bicicleta, destinadas a fomentar o seu uso e mellorar as condicións de seguridade, comodidade e respecto que merecemos.

Para participar en excursións, viaxes e demais actividades da asociación, coñecendo novos/as amigos/as e gozando en grupo da bicicleta.

Como facerte socio ou socia de Arousa en Bici?

Cubre a folla de inscrición cos datos do teu banco, ao que mandaremos anualmente o teu recibo e envíao a arousaenbici@gmail.com ou por Whatsapp ó 656479500.

A cota anual por socio é de 6€

Descargar folla de inscrición

Obxectivos:

• Unir os esforzos e iniciativas de cantas persoas e institucións interesadas na promoción e defensa do ciclista e da bicicleta.
• Fomentar o uso da bicicleta, tanto na cidade como no campo, como medio de transporte, deporte e diversión.
• Promover o interese dos organismos públicos pola protección do ciclista e da bicicleta, mediante a creación de carrís-bici, aparcamentos específicos, campañas de promoción e actividades de seguridade vial.
• Organizar todo tipo de actividades educativas, deportivas, turísticas e recreativas nas que se utilice a bicicleta.
• Incentivar os estudos, publicacións e exhibicións relacionadas co ciclista e a bicicleta,
• Defender ós usuarios da bicicleta e ós consumidores de bens e servizos asociadas a mesma.
• Programar e organizar rutas cicloturistas como acercamento á Natureza e ó Patrimonio Cultural.
• Programar actividades en defensa do medio ambiente, destacando que a bicicleta é o medio de transporte máis ecolóxico.
• Conseguir maior interrelación entre a bicicleta e o transporte público.
• Intervir na realización de actos culturais e como soporte de dinamización social e cultural.

Para levar a cabo os obxectivos organizaranse as seguintes actividades:

• Saídas cicloturistas
• Deseñar itinerarios adecuados para o uso da bicicleta.
• Demandar ás diferentes administracións medidas que faciliten o uso da bicicleta.
• Colaborar na organización dos Días da Bicicleta, Días sen coches e actividades semellantes.
• Colaborar con institucións e/ou particulares, facilitando información referente ó uso da bicicleta.
• Organizar charlas, exposicións... divulgativos do uso da bicicleta.