Asemblea Anual 2012

O próximo día 27 de xuño ás 19:15 horas en 1ªconvocatoria e ás 19:30 horas en 2ª convocatoria realizaremos nos locais da Casa da Xuventude a Asemblea Anual Ordinaria da Asociación AROUSA EN BICI, coa seguinte Orde do día:

- Lectura e aprobación, se procede, da acta anterior.
- Memoria de actividades realizadas desde a última asemblea.
- Próximas actividades para o ano 2012.
- Estado de contas.
- Renovación da Xunta Directiva.
- Rogos e preguntas.

Agradecemos a vosa presencia

RUTA DA ILLA DE AROUSA

O vindeiro Domingo 10 de xuño de 2012, con saída ás 11:00 horas do Parque do Cavadelo en Vilagarcía faremos a Ruta ata a Illa de Arousa.

ITINERARIO:

• Dende o Parque do Cavadelo saíremos polo carril bici ata Vilaxoán, seguiremos polo Rial e pasaremos por As Sinas, Vilanova, Ponte da Illa e continuaremos ata o pinar do Furado (coa praia enfrente), onde faremos o pic-nic. Se o tempo o permite tamén se poderá disfrutar da praia.
• Percorreremos a Illa coas paradas necesarias para contemplar, descansar ou relaxarse, . A meirande parte do percorrido é por itinerarios seguros: carril-bici, senda verde, camiños ou estradas pouco frecuentadas.
  
• Pensamos estar de volta en Vilagarcía cara ás 20 horas.
• Os asistentes son responsables da súa propia seguridade e de cumprir as normas de tráfico establecidas. Recoméndase o uso de casco.
  

DIFICULTADE:

Baixa, excepto a subidiña no Rial.
Animádevos a participar que seguro que pasaremos unha xornada divertida.